+7 (777) 001 44 99
ПОДЕЛИТЬСЯ
Астанада 23-25 қараша аралығында адам саудасы және оларды жыныстық қызмет көрсету мақсатында пайдалану деректерінің алдын алу мақсатында жедел-профилактикалық шаралары жүргізілді, - деп хабарлайды Tengrinews.kz тілшісі елорда ІІД баспасөз қызметіне сілтеме жасап.
Астанада 23-25 қараша аралығында адам саудасы және оларды жыныстық қызмет көрсету мақсатында пайдалану деректерінің алдын алу мақсатында жедел-профилактикалық шаралары жүргізілді, - деп хабарлайды Tengrinews.kz тілшісі елорда ІІД баспасөз қызметіне сілтеме жасап.
Астана ІІД ҰҚҚКБ қызметкерлері 1998 жылы туылған қызды жезөкшелікпен айналысуға итермелеу дерегін анықтады.
"Әлеуметтік педагогпен бірге келген қыз саунаның 1967 жылғы қожайының үстінен полицияға шағымданды, ол қызды қорқыту арқылы жезөкшелікпен айналысуға мәжбүрлеген. Бұл дерек сотқа дейінгі тергеудің бірыңғай реестріне ҚР ҚК 134-бабы 1-бөлігі (Кәмелетке толмаған адамды жезөкшелікпен айналысуға тарту) бойынша тіркелді", - деп хабарлады Астана ІІД баспасөз қызметіндегілер.
Айта кетейік, сауна қожайыны ұсталды. Сонымен қатар, ол 1995 жылы туылған қызды да қорқыту арқылы жезөкшелікпен айналысуға итермеледі деген күдік бар.
Астана ІІД ҰҚҚКБ қызметкерлері тағы үш саунаның әкімшілерін ұстады, олар келушілеріне жыныстық қызметті ұсынушы қыздарды сатып, сол үшін ақшалай сыйақы алып отырған.
23 қарашада 38 жастағы әкімші 1986 жылғы қызды клиентке ұсынып, қызметі үшін бес мың теңге алған.
Бұл деректер сотқа дейінгі тергеудің бірыңғай реестріне ҚР ҚК 309-бабы (Жезөкшелiкпен айналысуға арналған притондар ұйымдастыру немесе оларды ұстау және жеңгетайлық) бойынша тіркелді. ІІД мәліметінше, тергеу амалдары жүріп жатыр, олардың кінәсі дәлелденді.
Шараларды жүргізу барысында жыныстық қызмет көрсеткен 30 адам ұсталды. Олардың төртеуі Өзбекстан мен Қырғызстан азаматшалары. Ұсталғандардың барлығы есепке алынды.
