Астанада астыртын жұмыс істейтін казино әшкереленді

26 Қаңтар 2015, 17:24
0
Астанада астыртын жұмыс істейтін казино әшкереленді - ©Астана қаласы МКД баспасөз қызметі
©Астана қаласы МКД баспасөз қызметі

Астанада заңсыз жұмыс істеп келген казино әшкереленді, - деп хабарлайды Тengrinews.kz тілшісі Астана қаласы мемлекеттік кірістер департаментінің баспасөз қызметіне сілтеме жасап. 

"2015 жылғы 26 қаңтар күні Астана қаласы мемлекеттік кірістер департаментінің экономикалық тергеулер қызметі мамандары жедел-іздестіру шаралары барысында елорда ауданындағы тұрғын үй ғимараттарының бірінде жасырын жұмыс істеп келген казиноның заңсыз қызметін тоқтатты", - делінген департамент таратқан хабарламада. 

Қазіргі уақытта бұл дерек бойынша ҚР ҚК 307-бабымен қылмыстық іс қозғалып, жедел тергеу шаралары жүргізіліп жатыр. "Тергеу мүддесіне байланысты басқа ақпарат жарияланбайды", - деп хабарлайды мемлекеттік кірістер департаментінің баспасөз қызметі. 

Еске сала кетейік, өткен жылдың тамыз айында заңсыз жұмыс істеп келген казино Алматыдағы "Гауһартас" тұрғын үй кешенінен анықталған еді. Қаржы полициясының мәліметінше, құмар ойындарын ұйымдастырушы оны 2014 жылдың шілдесінде ашқан. Ол казино үшін тұрғын үй кешенінің 14-қабатындағы үш бөлмелі пәтерді таңдаған. Пәтерді тінткен кезде полицейлер ойыншылардан алынған ақшаны, жасыл шұға, фишкалар мен карталар сияқты казино атрибуттарын тапты. Тергеу барысында казиноны ұйымдастырушы өз кінәсін мойындады. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай