+7 (777) 001 44 99
Қазақша
Русский
English
19 желтоқсан 2018 | 16:41
Астанада ер адам мас күйде 7 автомобильдің дөңгелегін жарып кеткен
Елордалық полицейлер бірнеше автокөліктің доңгелегін жарды деген күдікпен 22 жастағы жігітті ұстады, - деп хабарлайды Tengrinews.kz тілшісі Астана ІІД баспасөз қызметіне сілтеме жасап.
ПОДЕЛИТЬСЯ
Елордалық полицейлер бірнеше автокөліктің доңгелегін жарды деген күдікпен 22 жастағы жігітті ұстады, - деп хабарлайды Tengrinews.kz тілшісі Астана ІІД баспасөз қызметіне сілтеме жасап.
Таяуда әлеуметтік желіде Астанадағы Момышұлы даңғылының бойында орналасқан аулалардың бірінде бірнеше көліктің дөңгелектерін жарып жатқаны сәтінде түсірілген видео пайда болған еді.
Посмотреть эту публикацию в Instagram
Публикация от ASTANA АСТАНА (@vastane.kz) 18 Дек 2018 в 2:35 PST
Полицейлер қаскөйді көп ұзамай ұстағандарын хабарлады.
"Алматы аудандық полиция басқармасының криминалдық полиция бөлімінің мамандары бейнебақылау камералары арқылы күдіктінің түр әлпеті мен жүрген бағытын анықтады", - деді Астана ПД өкілдері.
Күдікті танысының үйінде ішімдік ішіп, үйіне қайтып келе жатқан. Тұрғын үйдің ауласынан өтіп бара жатып, ол жол бойында тұрақта тұрған көліктердің дөңгелегін себепсіз жара бастаған.
"Жалпы көлемде 7 автокөліктің дөңгелегін жарған. Қазіргі уақытта сотқа дейінгі тергеу шаралары ҚР Қылмыстық кодексінің 293-бабы 1-бөлігі ("Бұзақылық") бойынша жүріп жатыр. Ұсталған жігіттің басқа да қылмыстарға бар жоғы тексеріліп жатыр", - деді полиция департаментінің өкілдері.
Показать комментарии
Читайте также
