Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Астанада ұрланған Range Rover Павлодардан табылды

09 Тамыз 2016, 11:41
0
© aac-ural.ru
© aac-ural.ru

Астанада ұрланған Range Rover Павлодардан табылды, - деп хабарлайды Tengrinews.kz тілшісі астаналық ІІД-нің баспасөз қызметіне сілтеме жасап.

ІІД баспасөз қызметіндегілердің айтуынша, 24 шілдеде Астана тұрғыны полицияға келіп, 23-нен 24-не қараған түні Түркістан көшесінің бойындағы үйінің ауласынан Range Rover Evoque маркалы автокөлігінің ұрланғаны туралы хабарланған.

Осы дерек бойынша ҚР Қылмыстық Кодексінің 200-бабы ("Автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу") және ҚР Қылмыстық Кодексінің 188-бабының 3-бөлімінің 4-тармағы бойынша тіркелген.

"Астаналық полицейлердің кешенді жедел-іздестіру жұмыстарының қорытындысы бойынша, күдіктілер Павлодар қаласынан ұсталған. Олар - Ресей Федерациясының жастары 30-47 аралығындағы бес азаматы. Оның үшеуі бұрындары Ресейде сотталып шыққан", - деді ІІД өкілдері.

Астана қалалық ІІД жедел қызметкерлері Range Rover Evoque автокөлігін Павлодар қаласындағы бір гараждан тапқан.

Күдіктілерге қатысты "Қамауға алу" бұлтартпау шаралары орындалды. Полицейлер осы азаматтардың басқа да Қазақстан Республикасының аумағында болған қылмыстарға қатысы бар жоғын тексеріп жатыр.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай