1. Басты
  2. Біл
  3. Оқиға
  4. Қылмыс

Астананың 20 саунасынан жеңгетайлар анықталды

©Komikz.ru ©Komikz.ru

Астананың 20 саунасынан жеңгетайлар анықталды, - деп хабарлайды Tengrinews.kz қалалық ішкі істер департаментінің баспасөз қызметіне сілтеме жасап.

"Ұйымдасқан қылмысқа қарсы күрес басқармасының қызметкерлері жылдың басынан бері жеңгетайлықтың 30-дан астам дерегін әшкереледі, оның 20-сы - қала сауналарынан", - делінген хабарламада.

Полиция Астанада "STOP- трафик" республикалық жедел алдын алу шарасын жүргізіп жатыр. Мақсаты - адам саудасы деректерін анықтау, алдын алу, жолын кесу.

Рейд шараларының барысында Астана сауналарының бірінде 53 жастағы әйел ұсталды, ол клиенттерге 23 жастағы қыздың интимдік қызметін ұсынған. Жеңгетай бұл қызметі үшін сыйақы алған. Аталған саунадан ақылы интимдік қызмет көрсетіп жүрген тағы екі қыз ұсталды. Бұл дерек бойынша ҚР Қылмыстық кодексінің "Жеңгетайлық" бабы бойынша қылмыстық іс қозғалды. Ұсталған әйелден ешқайда кетпеуі туралы қолхат алынды. Тергеу жүріп жатыр.