1. Басты
  2. Біл
  3. Оқиға
  4. Қылмыс

Атырауда ер адам әйелін пышақтап өлтіріп, өз-өзіне қол салмақ болған 05 шілде 2016, 11:29

Өңірлік ІІД мәліметінше, Атырау тұрғыны әйелін өлтірді деп айыпталып жатыр.

Атырауда ер адам әйелін жарақаттап, өз-өзіне қол салмақшы болды, - деп хабарлайды Tengrinews.kz тілшісі Атырау облыстық ІІД баспасөз қызметінің өкілдеріне сілтеме жасап.

Ведомствоның мәліметінше, кеше Атырауда ерлі-зайыптының, 43 жастағы әйел мен 53 жастағы ер адамның арасында көшеде жанжал шығып, күйеуі әйеліне пышақ жарақатын салған. Кейін ер адам өзіне қол жұмсамақ болды. 

"Қазіргі уақытта оқиғаның мән-жайы анықталып жатыр. Күдікті ер адам қазір ауруханада, ол күзетте. Материал ҚР Қылмыстық кодексінің 99-бабы ("Адам өлтіру") бойынша соталды бірыңғай тергеу реестрінде тіркелді. Әйел есін жимастан қайтыс болды", - деді аймақтық ІІД баспасөз қызметінің жетекшісі Гүлназира Мұхтарова. 

Сонымен қатар, Атырау облыстық ІІД өкілдері бұл оқиғаны ІІД тергеу басқармасының қызметкерлерінің тергеп жатқанын айтты.