1. Басты
  2. Біл
  3. Оқиға
  4. Қылмыс

БҚО-да бөлім басшысы сыбайлас жемқорлық үшін сотталды

БҚО Шыңғырлау аудандық білім бөлімінің басшысы сыбайлас жемқорлық қылмысы үшін сотталды, - деп хабарлайды Тengrinews.kz тілшісі Сыбайлас жемқорлыққа қарсы қызметке сілтеме жасап. 

Батыс Қазақстан облысының Сыбайлас жемқорлыққа қарсы қызметі бұған дейін сыбайлас жемқорлық үшін күдікті болып танылған "Шыңғырлау ауданының білім бөлімі" мемлекеттік мекемесінің басшысы А.Б.Сапаровқа қатысты тергеу жүргізген.

"Ол орындалған жұмыстың актісіне қол қою үшін Шыңғырлау ауданы әкімдігінің лауазымды тұлғаларына 1 млн 690 мың теңге көлемінде пара беруге жеке кәсіпкерді итермелегені және алаяқтығы үшін күдікті болып танылған", - делінген хабарламада. 

Биыл 21 қаңтарда Шыңғырлау аудандық сотының үкімімен А.Б.Сапаров алаяқтық және пара беруге итермелегені үшін 3 жыл 6 айға бас бостандығынан және мемлекеттік қызметте лауазым иелену құқығынан өмір бойына айырылды.