ДАИШ идеясын насихаттаған рудныйлық заңгерге жаза кесілді

18 Қараша 2015, 16:01
0
ДАИШ идеясын насихаттаған рудныйлық заңгерге жаза кесілді - © Ng.kz
© Ng.kz

Рудный тұрғыны әлеуметтік желі арқылы ДАИШ идеясын насихаттағаны үшін 6 жылға сотталды, - деп хабарлайды "Наша Газета".

№ 2 Қостанай соты 18 қарашада заңгер Болат Сатқанғұловқа үкім шығарды. Айыптау дерегі бойынша, ол ДАИШ идеясын насихаттаған. 2014 жылдың қаңтарынан бастап Рудный тұрғыны әлеуметтік желілердегі парақшалары арқылы терроризм мен экстремизм идеяларын насихаттайтын бейнероликтер жариялаған. Сонымен қатар, 2015 жылдың ақпанында ол WhatsApp арқылы өз танысына террорлық әрекеттерді ақтайтын аудиожазба жөнелткен.

Сот процесінің көп бөлігі жабық түрде өтті. Тілшілер залға тек алғашқы отырыс пен үкім шығарар кезде ғана кіре алды. Сатқанғұлов болса кінәсін мойындаған жоқ, дегенмен үкімді байыппен қабылдады. Оның адвокаты мен туыстары сот шешімімен келіспейтіндерін айтты.

"Үкім толығымен айыптау қорытындысына сәйкес шығарылды, - деді сот дәлізінде адвокат Снежанна Ким. - Біз мұндай шешіммен келіспейміз. Бұл терроризм идеясын насихаттау емес, дін тақырыбын достарымен талқылау. Ол жүктеген видеоларды көруге мүмкіндік бәріне берілген, теледидардан да көрсетілді".


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай