Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.70
EUR / KZT - 389.99
CNY / KZT - 49.72
RUB / KZT - 5.59

Екібастұздағы "Қазпошта" АҚ бөлімшесін тонады деген күдікпен үш адам ұсталды

01 Маусым 2015, 19:02
0
© РИА Новости
© РИА Новости

Павлодарда "Қазпошта" АҚ бөлімшесінен ұрланған 60 миллион теңгеге қатысты қылмыс ашылды, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап. Бұған дейін істі болған үш адам күдікті ретінде ұсталды.

Полицияның мәліметінше, күдіктілерді ұстау кезінде 30 миллион теңге тәркіленді. Ақшаның жартысы күдіктілердің бірінің туысының үйіндегі гаражға көмілген жерінен табылды. Сонымен қатар, ұсталғандардың көлігінен аңшы мылтығы табылды. "Жедел-іздестіру шарасы кезінде Екібастұздағы пошта байланысы орталығына қарақшылық шабуыл жасады деген күдіктілер анықталып, ұсталды. Олар облыс орталығының үш тұрғыны болып шықты, жастары 27-34 аралығында", - деп хабарлады ведомстводағылар. ІІД мәліметінше, олар өз кінәларын мойындады. "Күдіктілер жасаған қылмыстарын мойындап, түсінік берді. Бұл дерекке қатысты "Тонау" бабымен сотқа дейінгі тергеу жұмыстары жүріп жатыр. Қазіргі таңда күдіктілер Павлодардың уақытша ұстау изоляторында", - деді өңірлік ІІД баспасөз қызметіндегілер.

Еске сала кетейік, Екібастұздағы "Қазпошта" АҚ бөлімшесінен белгісіз біреулердің 50 миллион теңге ақшаны ұрлап кеткені хабарланған болатын. Оқиға 6 мамырға қараған түні болған. Терезені сындырып кірген қаскүнемдер ғимараттың екінші қабатына түсіп, күзетшіні байлап, арнайы байланыс бөлмесінен 59 900 000 теңгені алып кеткен. Бөлімшеден ұрланған ірі сомадағы қаржының әлеуметтік төлемдерге арналғаны белгілі болды. "Қазпошта" АҚ бас кеңсесіндегілер Екібастұз бөлімшесіндегі жағдайдың жұмысқа еш әсер етпегенін хабарлады. Кейін полиция "Қазпошта" АҚ Екібастұздағы бөлімшесін тонағандар бес қалтаға салынған ақшаны қару-жарақсыз алып кеткенін мәлімдеді. Тоналған Қазпошта бөлімшесі қалалық полиция басқармасы және әкімдікпен бір көшеде орналасқан.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай