Қарағанды облысында аудан әкімінің орынбасары ұсталды

26 Шілде 2017, 15:28
0
Қарағанды облысында аудан әкімінің орынбасары ұсталды - Видеодан алынған кадр
Видеодан алынған кадр

Қарағанды облысында аудан әкімінің орынбасары ұсталды, - деп хабарлайды Tengrinews.kz тілшісі Сыбайлас жемқорлыққа қарсы іс-қимыл ұлттық бюросының баспасөз қызметіне сілтеме жасап.

"25 шілдеде Сыбайлас жемқорлыққа қарсы іс-қимыл ұлттық бюросының Қарағанды облысы бойынша департаментінің қызметкерлері Қарағанды облысы Абай ауданы әкімінің орынбасары Д.Ж. Сүлейменовтің 1,5 миллион теңге көлемінде пара алғанын әшкереледі", - деп хабарлады ұлттық бюроның баспасөз қызметі.

Баспасөз қызметінің мәліметінше, Сүлейменов "Өңірлерді дамытудың 2020 жылға дейінгі бағдарламасы" аясында салынып жатқан құрылыс нысанындағы орындалған жұмыстар актісіне қолын қойып беру үшін ЖШС басшысынан пара алған.

Қазіргі уақытта Д.Ж.Сүлейменов ұсталып, Қарағанды облысы ІІБ уақытша ұстау изоляторына қамалды. Сотқа дейінгі тергеу жүргізіліп жатыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай