Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Қарағанды облысында қарауыл 9 жастағы балаға 60 рет пышақ салды деп айыпталды

29 Ақпан 2016, 19:23
0
© comi-news.ru
© comi-news.ru

Қарағанды облысындағы Ағадыр ауылының 21 жастағы қарауылы 9 жастағы баланы өлтірді деп айыпталып отыр, - деп хабарлайды Tengrinews.kz тілшісі Қарағанды облыстық Қылмыстық істер жөніндегі Мамандандырылған ауданаралық сотының баспасөз қызметіне сілтеме жасап. 9 жастағы баланың денесіне 60 рет пышақ салынғаны және мәйіттің қазандықтан табылғаны хабарланып отыр.

Жантүршіктірер кісі өлтіру оқиғасы 2015 жылдың 26 қазанында Шет ауданындағы Ағадыр ауылының соғылып жатқан "Алтын ұя" мейрамханасының маңында болған. Күдікті бұл мекемеде қарауыл болып жұмыс істеген.  

Іс материалдарына қарағанда, қылмысқа баланың қорлау мәніндегі сөз айтуы себеп болыпты. 4 сынып оқушысы мейрамханаға құрылысшы болып істейтін әкесін іздеп келіп, таппай, кейін қарауылдан ұялы телефонын ойнай тұруды сұрайды. Бірақ қарауыл бермей қояды. Осыдан кейін бала оған қарата қорлау мәніндегі сөз айтқан делінеді. 

Іс материалдары бойынша, қарауыл отын қоймасынан асхана пышағын алып шығып, баланың мойнын кесіп жіберген. Бала қаша бастағанда, ер адам оны қуып жетіп, мойнына 45 рет пышақ салған және желкесіне, арқасына тағы да 16 рет пышақ салған. Мұнда да қайтпай ол баланы таптай бастайды, басынан балғамен ұрып-соққан. Сосын пышағын жуып, еденін тазалап, үйіне кетіп қалған. Бір сағат өткенде қарауыл оқиға орнына қайтып келіп, баланы тастанды отын қоймасына апарып тастаған. 

"Материал сотқа бүгін түсті. Сот отырысының мерзімін әлі бекіткен жоқпыз", - деп хабарлады Қарағанды облыстық сотының баспасөз қызметіндегілер.

21 жастағы ер адамға ҚР Қылмыстық кодексінің "Көрінеу кәмелетке толмаған адамды аса қатыгездікпен өлтіру" бабы бойынша айып тағылды. Ол 9 жылдан 12 жылға дейін мүлкі тәркілене отырып, бас бостандығынан айырылуы мүмкін.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай