Қарағандыда бұзақылар көшедегілерге мылтықпен оқ атқан

14 Қыркүйек 2015, 13:21
0
Қарағандыда бұзақылар көшедегілерге мылтықпен оқ атқан - © frant.me
© frant.me

Қарағандыда бұзақылар көшедегілерге шолақ мылтықпен оқ атқан, - деп хабарлайды Tengrinews.kz тілшісі Қарағанды облысының ІІД баспасөз қызметіне сілтеме жасап. Облыстық ішкі істер департаменті криминалдық полиция басқармасының қызметкерлері Жезқазған қаласында кісі өлтіруге оқталған сол өңірдің екі азаматын қолға түсірді.

"Ұсталған азаматтар 24 тамыз күні бұзақылық әрекеттер барысында Жезқазған қаласының көшесінде шолақ мылтықтан оқ атып, соның салдарынан көшеде өтіп бара жатқан адамның жарақаттанғаны туралы мойындау көрсетпе белгілерін берді", - делінген хабарламада.

Сонымен қатар, тәртіп сақшыларының мәліметінше, 13 қыркүйек күні Криминалдық полиция қызметкерлері жүргізген жедел-іздестіру іс-шаралары барысында аталған қылмысқа қатысы бар деген күдікпен Сәтбаев қаласының 30 жастағы тұрғыны және оның серіктесі, Жезқазған қаласының 23 жастағы тұрғыны анықталып, ұсталды.

Қазіргі уақытта ұсталғандар уақытша ұстау изоляторына қамалып, сотқа дейінгі тергеп-тексеру амалдары жүргізіліп жатыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай