Қарағандыда ер адам екі баланың анасын пышақтады: қанішерді бір топ адам ұрып өлтіре жаздады

06 Маусым 2015, 22:42
0
Қарағандыда ер адам екі баланың анасын пышақтады: қанішерді бір топ адам ұрып өлтіре жаздады - Оқиға болған үй. ©Nasha-yarmarka.kz/Александр Коханов
Оқиға болған үй. ©Nasha-yarmarka.kz/Александр Коханов

Қарағандыда мас ер адам өзіне ескерту жасаған 30 жастағы әйелді пышақтап тастады. Бұл оқиға 1 маусымда Восточный көшесінің бойында орналасқан үш қабатты үйлердің біріндегі кіреберісте болды, - деп хабарлайды "Наша Ярмарка". Қанды оқиға қарт кісілер мен балалардың көз алдында болған.

Қаза болған Оксана Грачеваның артында екі кішкентай баласы қалды. Оның көршісі Оксана мен оның құрбысының аула алдындағы орындықта отырған ер адамға ескерту жасағанын айтты. "Бұл балалардың алаңы, мұнда балалар ойнайды, ал сен болсаң мас болып отырсың. Кет бұл жерден", - деді олардың бірі.

Ер адам келіншектердің үй кіреберісіне кірген сәтінде соңдарынан қуа жөнеледі. Бірнеше минуттан кейін қатты дыбыс шықты. "Балалар ойнап жүр екен дедім. Шықсам... Ойбай! Кіреберіс қанға малып жатыр. Ол Оксананың артынан барған сияқты, қай жерін пышақтағанын түсіне алар емеспін. Тіпті пәтерінде болса керек, себебі пәтеріндегі жиһаздарға қан тиген", - деді көршісі Наталья Осипова.

"Мас адам Оксананың жүрегіне пышақ салды. Ол құрбысының пәтеріне дейін барып, көмекке шақыра алды. Сол жерде, сыз еденде келіншек қайтыс болды. Ер адам пышақты тастап, қашып кетпекші болды, бірақ жергілікті тұрғындар оңбағанды ұстап алды. Келіп жеткен тәртіп сақшылары оңбағанды жұрттан әрең арашалап алды", - деп жазады басылым.

Қаза болған Оксана Грачеваның артында екі кішкентай баласы қалды. © nasha-yarmarka.kz/Александр Коханов

Кейбір мәліметтерге қарағанда, қылмыскер бұған дейін аса ауыр қылмыс жасағаны үшін бас бостандығынан айырылып, таяуда түрмеден шығып келген.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай