Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Қарағандыда полиция қызметкері тұтқынды азаптады деп айыпталуда

11 Қыркүйек 2014, 20:06
0
©tengrinews.kz
©tengrinews.kz

Қарағанды облысы Абай ауданы полициясының қызметкері тұтқындағы ер адамды азаптады деп айыпталуда. Бұл туралы Tengrinews.kz тілшісі облыстық прокуратураға сілтеме жасап хабарлайды. Қарағанды облысының полиция қызметкерлері Абай ауданының тұрғынынан ұрлыққа байланысты өздеріне керекті мәліметтерді алуға тырысқан. 

Жәбірленуші өзінің кінәлі екенін мойындамағаннан кейін полицейлер оны босатқан. Қанға боялған жергілікті тұрғын ІІБ-ның ғимаратынан шығып дәрігерлік көмек алу үшін бірден емханаға барған. "Жергілікті тұрғын Абай ауданының прокуратурасына "Абай ауданы ІІБ-ның ғимаратында полция қызметкерлерінің бірі ұрлыққа байланысты өздеріне қажетті жауап алу үшін мені азаптады" деп шағым түсірді", - дейді Қарағанды облысы прокуратурасының баспасөз хатшысы. 

Кейіннен жәбірленуші өзін азаптаған бір ғана құқық қорғау қызметкерін таныған. Қазіргі таңда айыпталушы Қарағанды облыстық оперативтік уәкілдігі полциясының қызметкері бұл іске қатысты түсініктеме беріп жатыр. Тергеу жүргізілуде, тексеріс барысында шағым білдірушінің қан іздерін анықтау үшін оның бөлмесі тексерілуде. 

Бұдан бірнеше күн бұрын Қарағанды облыстық прокуратурасының арнайы прокурорлар басқармасы Нұра ауданы Ахмет ауылының тұрғынын азаптады деген күдікпен Нұра ауданы полициясының үш қызметкеріне қатысты қылмыстық іс қозғаған. Ауыл тұрғыны соққыға жығылған. Жәбірленушінің айтуына қарағанда, Қарағанды облысының полицейлері оның аузына арақ құйып, мойын омыртқасын сындырып жіберген, кейін қолының тырнағын жұлып алған. 

 

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай