Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Қарағандыда Шымкенттің екі тұрғыны бес келі героинмен ұсталды

12 Желтоқсан 2014, 13:04
0
©РИА Новости
©РИА Новости

Героин сатумен айналысқандар Қарағанды облыстық ІІД есірткі бизнесімен күрес басқармасының мамандары жүргізген жедел іздестіру шарасы кезінде қолға түсті, - деп хабарлайды Tengrinews.kz тілшісі Қарағанды облыстық ІІД баспасөз қызметіне сілтеме жасап.

Желтоқсанның 10-ы күні кешкісін Қарағанды қаласының орталығында полиция Mercedes-Benz маркалы автокөлігін тоқтатты, көлікте Шымкент қаласының 54 және 47 жастағы екі тұрғыны болған, екеуі де жұмыссыз. Ол екеуін есірткі бизнесімен күрес басқармасы мамандары біраз уақыттан бері бақылап, героин сатып алушының кейпінде олармен кездескен, сол кезде олар полицейлерге бес келіге жуық героин беріп, қолға түсті. Ол екеуі "тауарларын" 3 мың долларға бағалаған.

Мамандардың айтуынша, героин сатқан екеуі қазір уақытша қамау изоляторында отыр, қылмыстық іс қозғалып, тергеу амалдары жүргізіліп жатыр.

Айта кетейік, жыл басынан бері Қарағанды облысының есірткі бизнесімен күрес басқармасы мамандары 359 келі әртүрлі есірткі заттарын, оның ішінде 90 келі героинді тәркіленген. Есірткіге қатысты 319 қылмыстық іс қозғалып, олардың 218-і сотқа жіберілді, 139 адам жауапқа тартылып, 778 әкімшілік құқықбұзушылық анықталды. Сонымен қатар есірткінің ірі партиясын тасымалдаудың 13 арнасы жойылды, олардың сегізінен героин, қалған бесеуінен каннабис тәркіленді (280 келіден жоғары).

Мамандардың мәлімдеуінше, биыл Қарағанды облысының территориясы арқылы есірткі заттарын заңсыз тасымалдаудың үш дерегі анықталды, олардың үшеуі де автокөлікпен тасымалданған. Заңсыз айналымға жіберілмек болған 43 келі каннабистің жолы кесілді.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай