Қарағандылық дәрігерлер АИТВ жұқтырған жүкті әйелді сотқа берді

18 Қараша 2015, 10:53
0
Қарағандылық дәрігерлер АИТВ жұқтырған жүкті әйелді сотқа берді - © us-img2.com
© us-img2.com

Облыстық ЖИТС орталығының мамандары қарағандылық АИТВ жұқтырған жүкті әйелді сотқа берді, - деп хабарлайды Tengrinews.kz тілшісі.

Заңға сәйкес, әйел болашақ баласына ауру жұқтырғаны үшін "Адамды иммундық тапшылық вирусымен жұқтыру (АИТВ/ЖИТС)" бабы бойынша жауапкершілікке тартылып, оған 200 АЕК көлемінде айыппұл салынады немесе сол көлемде түзету жұмыстарына жегіледі, немесе 180 сағаттық қоғамдық жұмыстарға тартылады, немесе 60 тәулікке қамауға алынады.  

Екі апта бұрын жүкті әйел емделуден бас тартатыны жайлы қолхат жазып берген. Дәрігерлердің түсіндіру жұмыстары нәтижесіз болып шықты. ЖИТС орталығының дәрігерлері қарағандылық әйел тұратын үйдің табалдырығын тоздырған, бірақ ол да нәтиже бермеді. 

"ЖИТС ОО" КҚМК" мамандары АИТВ жұқтырған ата-аналардан сау баланың тууы үшін бар мүмкіндігін жасап жатыр. Ал бұл болашақ аналардың арнайы терапиядан өткен жағдайларында ғана мүмкін болып отыр. АИТВ статусы қанағаттанарлықты көрсеткен әйелдер жүктіліктің 14 аптасынан бастап дәрі қабылдауы қажет. Айта кетейік, қымбат дәрілік заттарды жүкті әйелдер мемлекет есебінен тегін алады", - дейді орталықтағылар. 

Алайда дәл осы жағдайда АИТВ жұқтырған ана терапиядан саналы түрде бас тартып отыр. Ал оның нәрестесі АИТВ жұқтырған болып туылу мүмкіндігі 80 пайызды құрайды. Ал егер босанғаннан кейін шешесі емшектен емізетін болса дерттің балаға жұғу мүмкіндігі 100 пайызға тең екен.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай