Қостанайда тергеуші зорлықшыны бостандыққа жіберген

09 Желтоқсан 2019, 17:51
0
Қостанайда тергеуші зорлықшыны бостандыққа жіберген - Көрнекі сурет © pixabay.com
Көрнекі сурет © pixabay.com

Қостанай қаласында тергеуші зорлықшыны бостандыққа жіберген, - деп хабарлайды alau.kz.

Тергеуші қостанайлық тұрғынға зорлау әрекеттерін жасаған зорлаушыға жалған дәлелдер келтіріп, ер адамды босатып жіберген.

"Наша газета" мәліметінше, 2019 жылы қаңтарда 24 жастағы ер адам Қостанай тұрғынын қарға құлатып, ұрып, зорлық әрекеттерін жасаған. Тергеуші зорлықшыны қылмыстық жауапкершіліктен заңсыз босатып жіберген: 2019 жылы 16 ақпанда қылмыс құрамының болмауына байланысты істі тоқтату туралы шешім қабылдаған. Бірақ зорлықшының ісі қайта қаралып, ол алты жылға бас бостандығынан айырылған. Ал тергеушінің өзіне айып тағылды. 

Облыстық сот баспасөз қызметінің мәліметінше, тергеушіге ҚР Қылмыстық кодексінің 416-бабы, 4-бөлігі және 413-бап бойынша айып тағылып отыр. 

"Ауыр жазаны неғұрлым қатаң түрде сіңіру арқылы ол үш жыл алты айға сотталды. Сонымен қатар, тергеуші бес жыл бойы құқық қорғау органдарында және әкімшілік-басқару функциясымен байланысты мемлекеттік қызметте жұмыс істей алмау жазасы тағайындалды", - делінген хабарламада. 

Тергеуші полиция аға лейтенанты дәрежесінен айырылды. Үкім заңды күшіне әлі енбеді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай