Қостанайда зергерлік бұйымдар дүкеніне шабуыл жасалды

13 Наурыз 2016, 12:33
0
Қостанайда зергерлік бұйымдар дүкеніне шабуыл жасалды - Иллюстрация. © siol.net
Иллюстрация. © siol.net

Қостанайда тонаушылар зергерлік бұйымдар дүкеніне шабуыл жасады, - деп хабарлайды "Наша газета" өңірлік ІІД баспасөз қызметіне сілтеме жасап.

Қарақшылар металл қоршауды майыстырып үлгерген, бірақ оларды патрульдік полиция ұстап алды. Басылымның мәліметінше, полиция келгенде екі жігіт қашуға талпынып, тұрғын үйдің кіреберісіне тығылған, алайда олар тап сол жерде ұсталды. Үйдің кіреберісін тінту барысында үлкен сөмке табылды, оның ішінде ауыстырып киюге арналған күртелер, қолғаптар және балғаның бастары болған.

Жергілікті полиция қызметкері мен күзет фирмасының мамандары іздеуде жүрген қылмыскерлерді ұстағандары үшін және дер кезінде әрекет еткендері үшін марапатталды.

Айта кетейік, бұл дүкенге бұған дейін де шабуыл жасалған. 2012 жылы қарашада бес жігіт күзетшіні жаралап, дүкеннен 70 миллион теңгенің бағалы заттарын алып кетті. Полиция бағалы заттар салынған сөмкесі бар екі адамды ұстады. Ал қалғандары екі жылдан кейін бірақ қолға түсті.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай