Қызылордада бөтен біреудің автокөлігін айдап кеткендер қолға түсті

21 Шілде 2017, 15:53
0
Қызылордада бөтен біреудің автокөлігін айдап кеткендер қолға түсті - © Столица на Онего
© Столица на Онего

Қызылордада бөтен біреудің автокөлігін айдап кеткендер қолға түсті, - деп хабарлайды Tengrinews.kz тілшісі Қызылорда облыстық ІІД баспасөз қызметіне сілтеме жасап. 

2017 жылғы маусымда Қызылорда қаласының тұрғыны үй алдында тұрған KIA Cerato маркалы автокөлігін белгісіз біреудің ұрлап кеткендігін көрсетіп ішкі істер органдарына шағымданады. Аталған арыз негізінде жедел-іздестіру жұмыстары жүргізіліп, нәтижесінде 24 жастағы және 20 жастағы 2 азамат ұсталып, уақытша ұстау изоляторына қамауға алынды.

Оларға қатысты ҚР Қылмыстық кодексінің 200-бабы 1-бөлігі негізінде қылмыстық іс қозғалып, басқа да қылмыстарға қатысы бар-жоғы аныққталып жатыр. 

Баспасөз қызметінің мәліметінше, қалада дәл осындай тағы бір дерек тіркелді. Алайда бұл жағдайда әккі ұры "ВАЗ-2107" маркалы автокөлік есігінің ашық қалғанын оңтайлы пайдаланып, белгісіз бағытқа қарай айдап кеткен. Полиция қызметкерлеріне бағыт-бағдар беріліп, іздестіру шараларының нәтижесінде 21 жастағы қала тұрғыны анықталып, қалалық ішкі істер басқармасына жеткізілді. Оған да қатысты Қазақстан Республикасы Қылмыстық кодексінің 200-бабы 1-бөлігі негізінде қылмыстық іс қозғалды. Осыған сәйкес, қызылордалық полицейлер облыс тұрғындарына автокөліктерін үй аулаларына, автотұрақтарда қалдырған кезде қырағылық танытуына кеңес береді. Сондай-ақ, автокөлікті қараусыз қалдырмауларын, қараңғы жерлерде ұзақ уақытқа тұраққа қоймауларын, құжаттар мен құнды заттарды автокөлік ішінде сақтамауларын ескертеді.

Көліктен аз уақытқа шықса да, есіктері мен терезелерінің, жүксалғышының жабық екендігіне көз жеткізіп, кілтті тұтандыру тетігінде қалдырмауларын, мүмкіндігінше автокөлікті сақтандырып, жүргізіп кетуге қарсы жүйені орнатуларын сұрайды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай