Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Мақсат Үсенов 45 тәулік қамауда боп шықты

21 Наурыз 2014, 16:18
0
Мақсат Үсенов. youtube.com сайты бейнежазбасындағы кадр
Мақсат Үсенов. youtube.com сайты бейнежазбасындағы кадр
Телеарна кадры ©СТВ "Территория происшествий"
Телеарна кадры ©СТВ "Территория происшествий"
Арнайы қабылдау орыны. Фото Владимира Прокопенко.
Арнайы қабылдау орыны. Фото Владимира Прокопенко.
Мақсат Үсенов  45 тәуліктен соң бостандыққа шықты
Мақсат Үсенов 45 тәуліктен соң бостандыққа шықты
Кісі өліміне әкеп соққан жол көлік апаты үшін сот шешімімен 45 тәулікке қамауға алынған Мақсат Үсенов бостандыққа шықты деп хабарлайды Tengrinews.kz.

Таң қылаң берісімен әкімшілік жауапкершілікке тартушыларды арнайы қабылдап алатын орынның қақпасы алдына журналистер жиналып қалды.Кезекші бастапқыда қандай да бір мәлімет беруден бас тартты, алайда кейіннен ол бүгін, 21 наурызда босатылуы тиіс адамдар тізімі ішіне Мақсат Үсеновтің барын нақтылады.

Түскі үште бұл араға Toyota Camry көлігі келіп тоқтады. Одан кейін арнайы қабылдау орынынан Мақсат Үсенов шықты, оны бірнеше адам қарсы алып, әлгі көлікпен алып кетті. Сол секілді арнайы қабылдау орыны жанында бұрыннан тұрған екі джип көлігі Мақсат Үсенов отырған машинаның артынан ілесе жөнелді. Мақсат Үсенов өзін қаумалаған журналистерге тіл қатпады.

Еске сала кетелік, 2013 жылдың 1 желтоқсанында жоғары шендінің ұлы Мақсат Үсенов өзінің BMW X6 көлігімен алты жаяу жүргіншіні қағып, қашып кеткен. Зардап шеккендердің біреуі тіл тартпай кетті. Бұл оқыс оқиғаға байланысты қылмыстық іс қозғалған, алайда ол соңына дейін жетпей жатып тараптардың келісіміне байланысты жабылып қалды. Қоғамды бұл жайт бей-жай қалдыра алмады, дау-дамай барысында оны әкесі "Астана ЭКСПО-2017" құрылыс компаниясының департамент басшылығы қызметінен өз еркімен кетті.

2014 жылдың 4 ақпанында соттың шешімі бойынша Мақсат Үсенов 45 тәулікке қамауға алынған болатын. Сондай-ақ оны жүргізуші куәлігінен екі жылға айырған. Кейіннен бұл мерзімге тағы екі жыл қосылды.

Бұған дейін алматылық блогерлер Үсенов алты орындық камерада жалғыз отырғанын, оған туған-туыстары жиі келіп тұратындығын жазған. Бірақ полициядағылар Мақсат Үсеновке ешқандай артықшылық берілмегенін айтып, бұл мәліметті жоққа шығарған. Ал блогерлер түсініктеме жазуға мәжбүр болған.

Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай