Мектептегілер Алматы маңындағы "Асыл Арман" тұрғын үй кешенінде өлтірілген қыз жайлы айтып берді

04 Сәуір 2017, 17:23
0
Мектептегілер Алматы маңындағы "Асыл Арман" тұрғын үй кешенінде өлтірілген қыз жайлы айтып берді - © yvision.kz
© yvision.kz

Алматы облысындағы мектептердің бірінде "Асыл Арман" тұрғын үй кешенінде өлтiрiлген 17 жастағы қыз жайлы айтып берді. Мектептегілер қыздың биыл расында да 11-сыныпта оқығанын растады, - деп хабарлайды Tengrinews.kz тілшісі.

"Қыз өте тәрбиелі болатын. Толық отбасында тәрбиеленген, отбасында төрт бала бар. Жақсы оқитын. Сабырлы, қарапайым қыз еді. Оған қатысты ешқандай жағымсыз әрекеттер байқалмайтын", - деді мектептегілер.

17 жастағы Әйгерім жақында туған ауылында жерленді. Оны соңғы сапарға шығарып салуға оның сыныптастары мен мұғалімдері барды.

Еске сала кетейік, 2 сәуірде Алматы облысында тұрғын үй кешендерінің бірінде 17 жастағы қыздың мәйіті табылғаны жайлы хабарланған болатын. ІІД өкілдерінің айтуынша, "Асыл Арман" тұрғын үй кешенінде 2000 жылғы қыздың мәйіті табылған.

Ал 3 сәуірде 17 жастағы қызды зорлап өлтірді деген күдікті ұсталған болатын. 1982 жылғы жергілікті тұрғын осы қылмысқа қатысы бар деген күдікке ілінді. Қазіргі уақытта ер адам Қарасай аудандық ІІБ-не жеткізілді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай