Нұр-Сұлтанда аккумулятор ұрлаған күдіктілер ұсталды

11 Мамыр, 10:58
0
Нұр-Сұлтанда аккумулятор ұрлаған күдіктілер ұсталды - © akb-moscow.ru
© akb-moscow.ru

Нұр-Сұлтан қаласының полиция қызметкерлері бірнеше аккумуляторды қолды қылған күдіктілерді ұстады, - деп хабарлайды Тengrinews.kz тілшісі елордалық ПД баспасөз қызметіне сілтеме жасап. 

Соңғы уақытта азаматтардан аккумулятор ұрлығы туралы полицияға арыздар жиі келген. Ұрлық түнгі мезгілде, әсіресе дабыл белгісі жоқ автокөліктерден болған. 

Криминалдық полиция қызметкерлерінің жүргізген жедел-іздестіру шарасының нәтижесінде екі күдікті ұсталды.

"Қазіргі таңда "ұрлық" бабы бойынша тергеу жүргізілуде, заттай айғақ тәркіленді. Сонымен қатар, күдіктілердің бұрын елорда аумағында жасалған осыған ұқсас қылмыстарға қатыстығы тексерілуде. Аталған азаматтардың заңға қайшы әрекеттерінен зардап шеккен азаматтар болса Бейбітшілік көшесі, 19 мекенжайы бойынша Нұр-Сұлтан қаласы Полиция департаментіне жүгінулерін немесе 8 (7172)  8 (7172) 71-60-24, 71-61-07,  немесе "102" телефондарына хабарласуларын сұраймыз", - делінген хабарламада. 

Полицейлер азаматтарды өз мүлкіне ұрылардың әрекетінен сақ болуды ескертеді. Автокөліктерін арнайы дабыл белгісімен жабдықтап, күзетілетін қауіпсіз аумаққа қоюды сұрайды.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай