ОҚО-да аудан әкімдері мен "Ордабасы" ФК президенті алаяқтың құрбаны болды

23 Наурыз 2018, 13:56
0
ОҚО-да аудан әкімдері мен "Ордабасы" ФК президенті алаяқтың құрбаны болды -

"Ордабасы" футбол клубының президенті Бақтияр Байсейітов пен Оңтүстік Қазақстан облысындағы аудан әкімдері команданың бұрынғы ойыншысы Елдар Бақтығалиев жалғыз өзі күдікке ілініп отырған алаяқтық ісі бойынша 11 жәбірленушінің қатарында бар болып шықты, - деп хабарлайды Tengrinews.kz тілшісі.

25 жастағы экс-футболшының ұсталғаны жайлы 2018 жылдың ақпанында белгілі болған еді, сол кезде оған қатысты қылмыстық іс сотқа түскен. Бақтығалиевке ірі көлемде алаяқтық жасады деген айып тағылған. Тергеу нұсқасы бойынша, ер адам өз құрбандарынан алдап, алты миллион теңге алып қойған. Айыптау актісі бойынша, бұрынғы "ордабасылық" түрлі деңгейдегі шенеуніктерді алдап соққан.

Жәбірленушілердің арасында Оңтүстік Қазақстан облысындағы аудан әкімдері мен олардың орынбасарлары бар болып шыққан. Тергеу нұсқасы бойынша, Бақтығалиев ОҚО әкімінің атын жамылып, олардан ірі көлемде ақша алған. Жәбірленушілер артық сұрақ қоймай, өңір басшысының атын естіген соң-ақ ақша аударып отырған.

Ең көп қаражат жоғалтқан Бақтияр Байсейітов - ол 1,5 миллион теңгесінен айырылып қалған. Ол қаражатын қайтарса, бұрынғы ойыншыға кешірім беруге дайын екен.

Елдар Бақтығалиев жәбірленушілердің бірінің көрсетпесі бойынша ұсталған. Жігіт кінәсін толықтай мойындап, барлық ақшаны қайтаруға уәде беріп отыр. 

Басты сот отырысы Шымкенттегі Әл-Фараби аудандық сотында өтіп жатыр.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай