ОҚО-ның екі тұрғыны Астанада люк қақпақтарын ұрлап жүрген

12 Қазан 2017, 12:27
0
ОҚО-ның екі тұрғыны Астанада люк қақпақтарын ұрлап жүрген -

Криминалдық полиция қызметкерлері Астанада люктердің шойын қақпақтарын ұрлап жүрген екі адамды ұстады, - деп хабарлайды Tengrinews.kz тілшісі Астана қалалық ІІД баспасөз қызметіне сілтеме жасап.

Ұсталғандар Оңтүстік Қазақстан облысының тұрғындары болып шықты. Екеуі де осыған дейін сотты болған.

"Күдіктілер түнгі уақытта көліктерімен шығып, ұрлық жасап жүрген. Қаскөйлер кәріз құдықтарыың 30 шойын қақпағын ұрлап кеткен", - деп хабарлады ІІД өкілдері.

Сондай-ақ, осы қылмыстарды ашуға видеобақылау камераларының көмегі тигені айтылады. Сотқа дейінгі тергеу жүргізіліп жатыр. Күдіктілердің осыған ұқсас қылмыстарға қатысы бар-жоғы тексеріліп жатыр.

ІІД баспасөз қызметінің мәліметінше, ұрланған қақпақтар металл қабылдау пунктілеріне өткізілген. Қазіргі уақытта ұсталғандарды әкімшілік жауапкершілікке тарту мәселесі қарастырылып жатыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай