Өскеменде ер адам әйелі мен енесін өлтіргенін мойындады

02 Мамыр 2017, 12:03
0
Өскеменде ер адам әйелі мен енесін өлтіргенін мойындады - © Tengrinews.kz
© Tengrinews.kz

Өскеменнің жергілікті тұрғыны жантүршігерлік қылмысын мойындады. Ер адам әйелі мен енесін өлтіріп, олардың мәйіттерін саяжайдағы үйлерінің жертөлесіне жасырғанын айтып берді, - деп хабарлайды Tengrinews.kz тілшісі.

Тергеу органдарының мәліметінше, бұл оқиға өткен аптада болған.

"31 жастағы ер адам 30 сәуірде қылмысын мойындаған. Ер адам 28 сәуірде 33 жастағы әйелі мен 60 жастағы енесін жанжал кезінде өлтіріп тастағанын айтып берді. Ал әйелдердің мәйітін саяжайдағы үйлердің бірінің жертөлесіне жасырып қойған. Оқиға орнына жедел-тергеу тобы барды. Ер адамның айтқан сөздері расталды. Мәйіттер жертөледен табылды. Қазіргі уақытта сараптама жүргізіліп жатыр. Күдікті тергеу изоляторына қамалды. "Адам өлтіру" бабы бойынша сотқа дейінгі тергеу жүргізіліп жатыр", - деді ШҚО ІІД өкілдері.

Алдын ала мәлімет бойынша, ол әйелін өлгенше ұрған, ал енесін пышақ салып өлтірген. Қазіргі уақытта ер адамға қатысты бұлтартпау шарасы таңдалып жатыр. Күдіктің кәмелетке толмаған ұлы қазір туыстарының қамқорлығында.

Еске сала кетейік, осыған дейін Өскемендегі саяжайлардың бірінде екі әйелдің мәйіті табылғаны жайлы хабарланған болатын.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай