Өскеменде жұмысшыларға жалақы қарыз болған бизнесмен кісі өлтірді

20 Қазан 2014, 12:54
0
Өскеменде жұмысшыларға жалақы қарыз болған бизнесмен кісі өлтірді - ©REUTERS
©REUTERS

Өскеменде ЖШС директоры таксистің машинасын иеленіп, қызметкерлерге қарыз жалақыны қайтару үшін кісі өлтірген, - деп хабарлайды YK-news.kz

Қылмыстың мақсаты таксист Азамат Ыбыраевтың Daewoo Nexia автокөлігін тартып алу болған. Жолаушы Семен Антонов қала іргесіндегі Куленовка ауылында таксиде келе жатып жүргізушіге шабуыл жасайды. Машина тоқтаған кезде артқы орындықта отырған ол жүргізушіге пышақ салмақ болады, бірақ Ыбыраев қарсылық көрсетіп, Антоновтың мұрнын сындырады. Дегенмен Антонов таксисті ауыр жарақаттап үлгереді, зардап шегуші қашып кетеді.

Антонов рульге отырып, кетіп қалады. Қатты толқыған ол көлікті басқара алмай, жол жиегіне ауып кетіп, үйіне балшыққа батқан күйі оралады. Ал ауыр жараланған Ыбыраев кездескен адамдардан көмек сұрайды. Екі ер адам оған "жедел жәрдем" шақырады. Дегенмен дәрігерлер оны құтқарып қала алмады, ол ауруханада екі күннен соң қайтыс болды.

Антонов төтенше оқиғадан кейінгі күннің ертесіне ұсталды. Кәсіпкердің фирмасы қарызға белшеден батқан болып шықты. Жұмысшылар екі ай бойы жалақы алмаған. Басшы таксистің машинасын сатып, жұмысшылар алдындағы қарызынан құтылу үшін кісі өлтіруді ойластырған. Сот оған мүлкін тәркілеумен бірге қатаң режимдегі колонияда 14 жылға бас бостандығынан айыруға үкім шығарды. Айта кетейік, Өскемендегі кісі өлтіру дерегі туралы бұл ақпаратта фамилиялардың бәрі өзгертілді.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай