Павлодарда мекеменің бас директорына пара алды деген айып тағылды

23 Қазан, 15:32
0
Павлодарда мекеменің бас директорына пара алды деген айып тағылды -

"Павлодар "ӘКК "ҰК" АҚ әлеуметтік даму корпоративтік қорының бас директорына пара алды деген айып тағылды, - деп хабарлайды "Павлодар жаңалықтары". Ол кәсіпкерлерден бұрын келісілген 1 млн теңгенің 500 мың теңге сомасында пара алды деген күдікке ілінді.

ҚР сыбайлас жемқорлыққа қарсы қызметі баспасөз қызметінің мәліметінше, "Павлодар "ӘКК "ҰК" АҚ әлеуметтік даму корпоративтік қорының бас директоры пара алды деп айыпталған. 

"Павлодар облысының сыбайлас жемқорлыққа қарсы қызметі "Павлодар "ӘКК" "ҰК" АҚ әлеуметтік даму корпоративтік қорының бас директорына қатысты сыбайлас жемқорлық қылмыс жасады деген күдік бойынша сотқа дейінгі тергеуді бастады. Ол аяқталмаған әлеуметтік нысанды бағалау бойынша қызмет көрсету туралы шарт жасасқаны үшін кәсіпкерлерден бұрын келісілген 1 миллион теңгенің 500 мың теңге сомасында пара алды деген күдікке ілінді, - деді баспасөз қызметінің өкілдері. 

Корпоративтік қордың бас директоры ұсталып, Павлодар қалалық ПБ-ның уақытша ұстау изоляторына қамауға алынды. Сотқа дейінгі тергеу жалғасады. Күдіктіге қатысты түпкілікті шешімді оның кінәсінің деңгейін анықтау арқылы сот қабылдайтын болады.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай