Павлодарда шенеунік қымбат көлігін бюджет есебінен жөндеткен

14 Қараша 2016, 12:27
0
Павлодарда шенеунік қымбат көлігін бюджет есебінен жөндеткен - Иллюстрациялық сурет
Иллюстрациялық сурет

Павлодарда шенеунік өзінің жол талғамайтын көлігін мемлекеттік бюджет есебінен жөндеткен, - деп хабарлайды Tengrinews.kz тілшісі Павлодардың № 2 қылмыстық сотының баспасөз қызметіне сілтеме жасап. 

Павлодарда Әділет министрлігі Жылжымайтын мүлік орталығы республикалық мемлекеттік кәсіпорынының бұрынғы директоры Рәбиға Иманғалиеваға қатысты сот аяқталды. Шенеунік қызметтік бабын теріс пайдаланған деп айыпталды. 

Сот шешімімен Иманғалиева айыпты деп танылып, бір жылға шартты түрде бас бостандығынан айырылды және өмір бойына мемлекеттік қызметте жұмыс істеу құқығынан айырылды.

Тергеу мәліметі бойынша, 2015 жылы Иманғалиева "Демар-ПВ" ЖШС-мен 3,3 миллион теңгеге көліктерді жөндеу туралы мемлекеттік сатып алу бойынша келісімшартқа қол қойған. 

Қылмыстық іс материалдарына сүйенсек, ұлы жүргізген Mitsubishi Pajero көлігін жөндеуді тапсырған. Автокөлік құрбысының атына жазылғанымен, шенеунікке тиесілі екені анықталған. Көлікті жөндеуге мемлекет қаржысынан 299 мың теңге жұмсалған. Шенеуніктің бұйрығымен бұл қаржы шын мәнінде жөндеуден өтпеген екі көліктің есебіне жазылған.

"Айыпталушы өз кінәсін толықтай мойындап, ісіне өкінетіндігін білдірді", - деп атап өтті сот өкілдері.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай