Петропавлда полицей жүргізушіден итке белбеу тағуды талап етті

08 Сәуір 2016, 14:45
0
Петропавлда полицей жүргізушіден итке белбеу тағуды талап етті - Автомобилистердің қоғамдық Одағы\YouTube
Автомобилистердің қоғамдық Одағы\YouTube

Павтропавлда полиция инспекторы жүргізушіден итке белбеу тағуды талап еткені үшін тәртіптік жауапкершілікке тартылатын болды, - деп хабарлайды Tengrinews.kz тілшісі "Автомобиль жүргізушілерінің Қоғамдық Одағына" сілтеме жасап.

Айта кетейік, бұл оқиға 8 наурызда болған. Полицейдің жүргізушіден итке қауіпсіздік белбеуін тағуды талап еткен сәті видеоға түсіп қалған. Бейнежазбаның үшінші минутында полиция қызметкері қауіпсіздік белбеуін адамдарға ғана емес, итке де тағу керек екенін айтады.

Ал жүргізуші "Автомобиль жүргізушілерінің Қоғамдық Одағының" мүшесі болып шығады. Ол ІІМ-ге хат жазып, қызметкерді мемқызметкердің этикалық нормаларын бұзғаны үшін жазалауды сұрайды. "Біздің хатымыздан кейін, полиция сержантына қатысты қызметтік тексеріс жүріпті. Оның әрекетін тәртіптік комиссия қарап, кейін оның қандай тәртіптік жазаға тартылатынын шешеді", - деп хабарлады Одақтың мүшелері.

Айта кетейік, ҚР Жол қозғалысы ережесінде жануарларды көлік салонында қалай тасымалдау керектігі жазылмаған. Бірақ ІІМ кеңес беріп отыр: итке көлік салонында белбеу тағуға болмайды, әйтпесе ит не жарақат алуы мүмкін, не өліп қалуы мүмкін екен.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай