Прокуратураның жалған қызметкерлері мектеп пен балабақша басшыларынан ақша бопсалаған

27 Қараша 2014, 16:15
0
Прокуратураның жалған қызметкерлері мектеп пен балабақша басшыларынан ақша бопсалаған - ©РИА Новости
©РИА Новости

Өзін прокуратура қызметкері деп таныстырған адамдар Қарағандыдағы мектептер мен балабақша жетекшілерінен ақша бопсалаған, - деп хабарлайды NV.kz.

БАҚ-тың мәліметінше, облыста прокуратура қызметкері болып таныстыратын алаяқтар бар. Бопсалаушылар балабақшалар мен мектептерге телефон соғып, кезектен тыс тексеріс өткізетінін айтып қорқытқан. Білім беру мекемелерінің жетекшілерін қорқытқан алаяқтар ақша берсе ғана мекеменің жұмысына оң баға беретінін айтқан.   

2014 жылы жазда бірнеше балабақшаның жетекшісіне біреулер телефон соғып, прокуратура қызметкері болып сөйлескен. Бопсалаушылар тексеріс қорытындысында оң баға беру үшін 200 мың теңге талап етіпті. Қазанда прокуратураның жалған қызметкерлері мектептердің жетекшілерін қорқыта бастады: біреулер директорларға хабарласып, белгілі бір көлемде ақша талап еткен. 

Прокуратура мектептер мен балабақшалардың басшылығын алаяқтардың қулық-сұмдығына алданбауды сұрап отыр. Ал егер олар тексерумен қорқытып, ақша талап ететін болса облыстық прокуратураның ішкі қауіпсіздігін қамтамасыз ету сенім телефонына (77-28-08) хабарласуға немесе өңірлік прокурорға жеке хабарлауға кеңес береді. 

Еске сала кетейік, алаяқтықтың осыған ұқсас түрі осы жылдың маусым айында Астанада да тіркелді. Біреулер мектепке дейінгі мекемелердің басшылығына хабарласып, өздерін прокуратура қызметкері деп таныстырған соң ақша талап еткен. Алаяқтық дерегі бойынша қылмыстық іс қозғалып, прокуратураның жалған қызметкерлері іздестірілді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай