Шенеунік Президент шыршасы үшін бөлінген қаражатты жымқырған

03 Қазан, 09:45
0
Шенеунік Президент шыршасы үшін бөлінген қаражатты жымқырған -

Атырауда облыс әкімінің бұрынғы орынбасары мен тағы бірнеше экс-мемлекеттік қызметкерге қатысты сот процесі басталды, - деп хабарлайды "Астана" арнасы.

Оларға мемлекет қаржысын талан-таражға салды деген айып тағылып отыр. Ашық сот процесі болғанына қарамастан, айыпталушылар түсірілім жасауға қарсылық танытты.

Қазір айыпталу орындығында 8 адам отыр. Олардың арасында облыс әкімінің әлеуметтік салаға жауапты бұрынғы орынбасары, облыстық білім беру басқармасының бұрынғы басшысы, оның орынбасары және тағы басқалар бар. Олар жылдың басында біртінтеп ұсталған болатын. Бүгін сот залына облыс әкімінің бұрынғы орынбасары ғана тергеу абақтысынан жеткізілді. Ал қалғандары үй қамақта отыр. Іс 84 томнан тұрады. Бүгін айыптау қорытындысы оқылды.

Әзірге белгілі болғаны, білім беру басқармасының басшысы өзінің әйелін әдістемелік орталыққа әдіскер ретінде сырттай жұмысқа орналастырған. Жұбайы ол туралы хабарсыз болыпты. Ал шенеунік жұмысқа келмеген әйелінің жалақысын алып, жеке ісіне жаратқан көрінеді.

Тергеу материалдарына сүйенсек, оның орынбасары әлеуметтік әлсіз отбасы балаларына арналған Президент шыршасы үшін бөлінген 39 миллион теңгенің белгілі бір көлемін қалтасына қалдыру үшін таныстарын пайдаланған. Айыптау қорытындысында айтылған мәлімет бойынша, ол осы жымысқы әрекетін соңғы 3 жыл бойы жүзеге асырып келген. Яғни балаларға ең арзан сыйлықтар беріп, дастархан жасамаған.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай