СҚО-да құны 85 миллион теңге болатын заңсыз алкоголь сақтаған қойма анықталды

17 Наурыз 2017, 13:46
0
СҚО-да құны 85 миллион теңге болатын заңсыз алкоголь сақтаған қойма анықталды - © ҚР Қаржы министрлігі Мемлекеттік кірістер комитетінің баспасөз қызметі
© ҚР Қаржы министрлігі Мемлекеттік кірістер комитетінің баспасөз қызметі

Солтүстік Қазақстан облысында көрінеу өтірік жасанды есеп-бақылау маркаларымен алкоголь өнімін сатпақ болған қылмыстық топ ұсталды, - деп хабарлайды Tengrinews.kz тілшісі ҚР Қаржы министрлігі Мемлекеттік кірістер комитетінің баспасөз қызметіне сілтеме жасап.

"Солтүстік Қазақстан облысы бойынша Мемлекеттік кірістер департаментінің Экономикалық тергеу қызметімен көрінеу өтірік жасанды есеп- бақылау маркаларымен алкоголь өнімін сату бойынша заңсыз іс- қимылды ұзақ уақыт бойына іске асырған, орныққан ұйымдастырылған қылмыстық топтың іс- қимылы кесілді", - деп хабарлады комитеттегілер.

Баспасөз қызметіндегілердің мәліметінше, жедел-іздестіру іс-шараларын жүргізу барысында қылмыстық топ мүшелерінің автокөлік құралдарынан және қоймаларынан Ресей Федерациясының аумағына әкетуге арналған, жасанды акциздік маркалармен құны 85 миллион теңгеден асатын шамамен 100 000 шыны алкоголь өнімі алынған.

15 наурызда сот шешімімен қылмыстық топтың төрт мүшесіне қамауда ұстау түрінде  бұлтартпау шарасы қолданылды. Қазіргі уақытта сотқа дейінгі тергеу жүргізіліп жатыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай