1. Басты
  2. Біл
  3. Оқиға
  4. Қылмыс

Таразда "жер учаскесін алуға көмектесемін" деп уәде берген алаяқ әйел ұсталды

Таразда 1,7 миллион теңге көлемінде жасалған алаяқтық дерегі анықталды. Бұл туралы Жамбыл облыстық ІІД баспасөз қызметі айтты, - деп хабарлайды Tengrinews.kz тілшісі.

2017 жылдың 2 тамызында Тараз қалалық Ішкі істер басқармасының №1 полиция бөліміне 60 жастағы тұрғын 2017 жылдың 15 маусымында Бақытгүл деген әйелдің оның сеніміне кіріп, жер учаскесін алуға көмектесемін деп оның 1,7 миллион теңгесін иемденіп алғанын хабарлаған.

"Жедел-тергеу шаралары барысында полицейлер алаяқтың кім екенін анықтады. Қысқа уақыт ішінде әйел ұсталды. Ол Жамбыл облысы Сарыкемер ауылының 51 жастағы тұрғыны болып шықты. Әйел кінәсін мойындады", - деп хабарлады қалалық ІІД өкілдері.

Бұл дерек ҚР Қылмыстық кодексінің 190-бабының 2-бөлігі бойынша сотқа дейінгі бірыңғай тергеу реестріне тіркелді. Сотқа дейінгі тергеу басталды.