Түркия азаматы Астанада алаяқтығы үшін ұсталды

18 Ақпан 2015, 10:51
0
Түркия азаматы Астанада алаяқтығы үшін ұсталды - ©РИА Новости
©РИА Новости

Астанада Түркия азаматы алаяқтық жасағаны үшін ұсталды, - деп хабарлайды Tengrinews.kz тілшісі қалалық ішкі істер департаментінің баспасөз қызметіне сілтеме жасап.

"Астана тұрғыны полицияға өткен жылдың шілде айында қаланың сауда-ойын-сауық кешендерінің бірінде таныс ер адам оның сеніміне кіріп, алаяқтық жолмен 32 мың АҚШ долларын алып кеткені туралы арызданды", - деп хабарлады полиция.

Олардың мәліметінше, алаяқтық жасады деген күдікті Қазақстанға құрылыс жұмыстарының өндірісі үшін келген. 1977 жылы туылған Түркия азаматы шұғыл-іздестіру шарасы барысында ұсталды. Полиция оған қатысты "Аса ірі көлемдегі алаяқтық" бабы бойынша қылмыстық іс қозғады. Ұсталған азамат қазір Астана қалалық ІІД уақытша ұстау изоляторында отыр.

Еске сала кетейік, осыған ұқсас оқиға 15 ақпанда Астанада болды. Көліктегі ішкі істер департаментінің қызметкерлері Астана әуежайында Түркия Интерполы алаяқтық жасағаны үшін халықаралық іздеу жариялаған азаматты ұстады. Ол Астана - Мәскеу рейсінің төлқұжат бақылауы кезінде қолға түсті. Қазіргі уақытта түрік азаматы Астана қаласы ІІД уақытша ұстау изоляторында отыр. Ол жақын арада еліне экстрадицияланады. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай