1. Басты
  2. Біл
  3. Оқиға
  4. Қылмыс

Ұлттық бюро: Атырауда шенеунік пойыз бригадирлерінен пара алған

© Tengrinews.kz © Tengrinews.kz

Атырауда Көліктегі қоғамдық денсаулықты сақтау басқармасының басшысы парамен әшкереленді, - деп хабарлайды Tengrinews.kz тілшісі Сыбайлас жемқорлыққа қарсы іс-қимыл ұлттық бюросының баспасөз қызметіне сілтеме жасап.

"Сыбайлас жемқорлыққа қарсы іс-қимыл ұлттық бюросының Атырау облысы бойынша департаменті Көліктегі қоғамдық денсаулықты сақтау басқармасының басшысы И.В. Шиннің бірнеше рет пара алғанын әшкереледі", - деп хабарлады ұлттық бюродағылар.

Ведомство мәліметінше, күдікті жолаушылар пойызындағы бригадирлерден олардан санитариялық-эпидемиологиялық ереже бұзушылықтар үшін әкімшілік жауапкершілікке тартпау үшін пара алып отырған.

"29 қыркүйекте соттың шешімімен И.В. Шин қамауға алынды. Алған парасының жалпы сомасы - 824 000 теңге. Сотқа дейінгі тергеу жүргізіліп жатыр", - деп хабарлады Ұлттық бюродағылар.