Велотректен ел чемпионаты мәресіне жетті

23 Қазан 2014, 18:08
0
Велотректен ел чемпионаты мәресіне жетті - Фото cyclingchampionship2014.asia сайтынан
Фото cyclingchampionship2014.asia сайтынан

Астанада велотректен Қазақстан чемпионаты аяқталды. Ел біріншілігі тректің үш түрі бойынша өтті, - деп хабарлайды Tengrinews.kz.

Елордадағы "Сарыарқа" велотрегінде өткен ел біріншілігінде велошабандоздарымыз мэдисон, гит және скретч бәйгелері бойынша сынға түсті.

Мэдисон бәйгесінің жұптасып жарысу сынында Оңтүстік Қазақстан облысының велошабандоздары Диас Өмірзақов пен Сұлтанмұрат Мырзалиев ерлер арасында жеңімпаз атанды. Ал жасөспірімдер арасында Астана таланттары Тимур Қуатов пен Вадим Пронский топ жарды.

Гит бәйгесінде 1000 метрлік қашықтыққа жұптасып жарысудан Заки Сұлтанов пен Эдуард Розенберг үздік шықты. Ал 500 метрлік қашықтықтағы бәйгесінде Амелия Сұлтанова ел чемпионы атанды. Үшеуі де – Астана қаласының спортшылары.

Бозбалалар мен бойжеткендер скретч пен спринтерлік бәйгелерде бақ сынады. 7,5 шақырымдық скретч бәйгесінде Жанерке Санақбаева (Қарағанды) бойжеткендер арасында, ал Иван Зайцев (Астана) бозбалалар арасында бірінші орындарды иеленді.

Жанерке сонымен қатар қыздар арасындағы спринтерлік бәйгеде де топ жарды. Ал бозбалалар арасындағы спринтерлік сында оның жерлесі, қарағандылық Кирилл Руддер жеңімпаз атанды.

Жалпы командалық есепте бірінші орынды Астана велотрекшілері жеңіп алды. Алматы облысының велоспортшылары екінші орынға, ал Қызылорда құрамасы үшінші орынға ие болды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай