Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Астанада "Денсаулық дүңгіршектері" ашылады

12 Мамыр 2014, 13:23
0
Фото medikforum.ru сайтынан алынды
Фото medikforum.ru сайтынан алынды

Астанада "Денсаулық дүңгіршектері" ашылады, деп хабарлайды Tengrinews.kz тілшісі елорда әкімдігінің сайтына сілтеме жасап.

Дүңгіршектер қаланың ірі сауда орталықтарында орналасатын болады, онда қала тұрғындары дене салмағының индексін, қан қысымын, температурасын өлшетіп, дәрігердің қабылдауына жазыла алады. Бұдан бөлек, Астанада медициналық көмектің сапасын жақсарту үшін CALL-орталық құрылады.

"Биыл Денсаулық сақтау басқармасы азаматтарға бірінші медициналық-санитарлық көмек көрсету деңгейін арттыру жұмыстарына басымдық береді. Осы мақсатта №10 қалалық емханада халықпен тиімді кері байланыс орнату үшін CALL-орталық құрылады, сондай-ақ, Салауатты өмір салтын қалыптастыру орталығының филиалы мен жастар денсаулық орталығы ашылады", - делінген хабарламада.

Сонымен қатар, №10 жедел медициналық жәрдемнің шағын станциясын ашу, қаланың жаңа бөлігінде халықаралық стандарттарға сәйкес келетін ЖМЖ-нің орталық станциясын салу және машиналар паркін жаңарту үшін санитарлық 7 көлік сатып алу жоспарланған.

"Биыл медицина мекемелері қызметкерлерінің ішінде 9 дәрігер Оңтүстік Кореяның клиникаларында оқу мүмкіндігіне ие болды. Сондай-ақ, қалалық емханаларда практикалық машықтарды жетілдіру үшін отандық және шетелдік мамандар бригадаларының бірлескен қызметі бағдарламалары енгізіледі, ал емханаларда құрылған медициналық университеттердің шағын кафедралары дәрігерлердің біліктілігін арттыруға септігін тигізбек", - делінген әкімдіктің баспасөз қызметі таратқан хабарламада.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай