Ақмола облысында су тасқыны бөгетті бұзып өтті

08 Сәуір 2016, 12:27
0
Ақмола облысында су тасқыны бөгетті бұзып өтті - Видеодан алынған кадр
Видеодан алынған кадр
Ақмола облысында су тасқыны бөгетті бұзып өтті - © Ақмола облысы әкімінің баспасөз қызметі
© Ақмола облысы әкімінің баспасөз қызметі

Ақмола облысындағы Атбасар ауданында тасқын су бөгетті бұзып өтті, - деп хабарлайды Tengrinews.kz тілшісі ІІМ төтенше жағдайлар комитетінің ресми өкілі Руслан Иманқұловқа сілтеме жасап.

7 сәуірде Жабай өзенінде су деңгейінің көтерілуіне байланысты үйілген бөгеттің кей жерлері шайылып кетті. Төтенше жағдайдан төрт үйді су басып, 70 адам эвакуацияланды. "Ақмола облыстық ТЖ бойынша департаментінің қызметкерлері жергілікті атқарушы органдармен бірлесіп 220 метрлік дуал жасау жұмыстарын жүргізді. Дуалдың жалпы ұзындығы 2220 метрге жетті. Су бұзып өткен жер қалыпқа келтірілді. Қазіргі таңда жағдай бақылауға алынды. Қажетті техниканың барлығы оқиға орнында", - деді Иманқұлов.

Уақытша бөгеттің бұзылғаны түсірілген видеоны Dixinews порталы жариялады.


© Ақмола облысы әкімінің баспасөз қызметі

Оның мәліметінше, қазір республика бойынша 31 мыңнан аса уақытша бөгет бар. Ақмола облысында - 22 мың 946. Республика бойынша тасқынға қарсы шараларға шамамен 3,5 мың адам мен 823 техника жұмылдырылған.

Tengrinews.kz редакциясына Сандықтау ауданы Балкашино ауылында түсірілген видео келіп түсті. Ол жақта да Атбасардағыдай Жабай өзені тасып жатыр. Видео автокөлікте түсірілген. Кадрлардан жолды судың басқанын көруге болады.

Ескерту, видеода былапыт сөздер айтылады. 18+


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай