Ақтаудан 380 шақырым қашықтықта жер сілкінді 29 қыркүйек 2014, 10:35
29 қыркүйек күні таңғы сағат 07.38-де Ақтаудан оңтүстік-батысқа қарай 380 шақырым қашықтықта магнитудасы 5,3 болатын жер сілкінісі тіркелді, - деп хабарлайды Tengrinews.kz тілшісі Еуропа - Жерорта теңізі сейсмологиялық орталығына сілтеме жасап.
Жер сілкінісі Әзірбайжан аумағында, 55 шақырым тереңдікте болған. Зілзаланың эпицентрі Дағыстанның Күріш ауылынан шығысқа қарай 20 шақырымда, Әзірбайжанның Габала қаласынан солтүстік-шығысқа қарай 33 шақырымда және Бакуден солтүстік-батысқа қарай 181 шақырым қашықтықта орналасқан.
Зардап шеккендер мен зақымданған нысандар туралы мәлімет жоқ.