Ақтөбеде мас күйде көлік жүргізгеннен кейін жұмыстан босатылған полицей қызметін жалғастырып жатыр

02 Шілде 2015, 11:49
0
Ақтөбеде мас күйде көлік жүргізгеннен кейін жұмыстан босатылған полицей қызметін жалғастырып жатыр -

Ақтөбе облысы Көші-қон полициясы басқармасының басшысының орынбасары Қадырбек Аманбаев 3 жыл бұрын мас күйде көлік жүргізгені үшін көлік жүргізу куәлігінен айырылған болатын, - деп жазады "Диапазон".

Басылымның мәліметінше, оқиға 2014 жылдың қараша айында болды, бұл уақытта жол полициясының қызметкерлері ескерту дабылынсыз маневр жасаған Lada маркалы автомобильді тоқтатады. Олардың айтуынша, жүргізуші өзін полиция қызметкерімін деп таныстырып, инспекторларды жұмыстан шығарамын деп қорқытқан. Құжаттарды тексеру кезінде көлікке бөтен номердің бекітілгені, ал жүргізуші Қадырбек Аманбаевтың мас болғаны анықталды. Кейін оның қанында алкоголь табылады.

Ал Аманбаевтың айтуынша, ол досымен бірге келе жатқан және сау болған, автопатрульдің бұйрығымен тоқтап, күткен. Полицей келіп, көлік кілтін суырып, кетіп қалған. Осы кезде ол полицияға хабарласып, оқиғаны баяндайды. Досы тәртіп сақшыларының келуін күтпей, кетіп қалған. Күн суық болғаннан кейін жүз грамм арақ ішкен. Аманбаев тізгінге отырмағанын атап өтті. Әкімшілік сот оның сөзіне сенбей, жүргізу куәлігінен айырды.

Кейін ІІД қызметтік тергеу жүргізіп, қызмет тәртібін бұзғаны үшін Аманбаевты жұмыстан шығарды. Ол сотқа шағымданып, жұмыс орнын қалпына келтіруді талап етті. Кейін оның жұмыстан заңсыз шығарылғаны белгілі болды, себебі ІІД оны жұмыстан шығару туралы бұйрықты оқиғадан бір ай өткеннен кейін шығарды, яғни ІІД бекітілген мерзімді бұзды. Таяуда Қадырбек Аманбаев полициядағы қызметіне қайта кірісті.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай