+7 (777) 001 44 99
ПОДЕЛИТЬСЯ
Ақтөбеде Оспанов атындағы Батыс Қазақстан мемлекеттік медициналық университетінің тағы бір студенті қайтыс болды, - деп жазады "Диапазон".
Ақтөбеде Оспанов атындағы Батыс Қазақстан мемлекеттік медициналық университетінің тағы бір студенті қайтыс болды, - деп жазады "Диапазон".
Бірінші курс студенті Дулат Төкешов емтиханға дайындалып жүрген кезде жүрегі ұстап қалды. Достарының айтуынша, жігіт сабақ үстінде өзін жаман сезінген, дегенмен оны оқытушылар жібермей қойған.
"Дулат тамыз айында тексеруден өту керек болған. Үлгермеді, - деді Дулаттың досы Арман Киреев. - Соңғы кезде ол сабағын уайымдап жүрген".
Медициналық университеттің қызметкерлері студенттің өлімінің оқумен байланысы жоқ екенін айтты. "Ол анатомиядан емтихан тапсырып жатқан кезде өзін нашар сезінді. Студенттер оған сұранып кетуге кеңес берді. Дегенмен ол бас тартты. Ал кешке оның жағдайы нашарлаған, - деді жалпы медицина факультетінің деканы Талғат Әбілов. - Ол ауруханаға жеткізілді, сол жерде Дулат қайтыс болды".
Дулаттың сынып жетекшісі Люба Меңдібаеваның айтуынша, Дулат мектепте әдебиет, орыс тілі пәндерінен жақсы оқыған. "Мектеп кезінде жыл сайын емделіп жүрді, 5-6 сыныптарда операция жасатты", - деді ол.
Еске сала кетейік, бұған дейін 20 маусымда осы университеттің студенті асылып қалған күйі табылған болатын. Оқытушылар қайғылы оқиға болған күні студент Азаматтың микробиология емтиханынан өте алмағанын айтты. Екінші курс студенті грантта оқыған. Ол БҚО тумасы, отбасында үш ұлдың үлкені. Анасы - мұғалім, әкесі - жұмыссыз. ІІД суицид дерегі бойынша қылмыстық іс қозғады.
