Алматы облысында сәби 7-ші қабаттың терезесінен құлап кетті

08 Қаңтар 2017, 12:58
0
Алматы облысында сәби 7-ші қабаттың терезесінен құлап кетті - © Крыша
© Крыша

Алматы облысының Қарасай ауданында көпқабатты үйдің жетінші қабатының терезесінен сәби құлап кетті, - деп хабарлайды Tengrinews.kz тілшісі. 

7 қаңтарда "Асыл Арман" тұрғын үй кешенінде болған оқиға туралы Facebook желісінде Dudar Tazsha есімді қолданушы жазған. Ол өзінің жазбасында төтенше жағдайдың куәсі болған адамның сөзін жазған: "Менің көз алдымда біздің үйдің жетінші қабатынан бала құлап кетіп, тура менің алдыма түсті. Тура асфальтқа құлапды. Не істерімді білмей қалдым. Айғайлап, жедел жәрдем шақырдым. Мұндай жағдайда жасанды дем беру керектігін білмедім. Мұрнынан қан кетті, көзін ашты, күшкене қозғалды да үнсіз қалды. Мен осы кезде бірден жетінші қабатқа жүгіріп барып, кімнің баласы екенін сұрай бастадым. Есікті бір әйел ашып, баласының әлі кішкентай екенін және ас бөлмесінде ойнап отырғанын айтты. Ол ас бөлмесіне барғанда терезе ашық, баласы жоқ болды. Есі шығып, айғайлай бастады, оның қолдары дірілдей бастады. Бірге төмен түстік. Оны ұстап тұрды. Жедел жәрдем келіп, ештеңе істей алмады. Ол қайтыс болды. Мен әлі де жылап отырмын".

Осы деректі Алматы облысының ІІД растап берді. Нақтыланған мәлімет бойынша, қайтыс болған бала 2015 жылы туылған. Құқық қорғау органдары тергеу шараларын жүргізіп жатыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай