Алматы облысында толассыз жауған жаңбырдың салдарынан жолды шайып кетті

08 Тамыз 2016, 15:33
0
Алматы облысында толассыз жауған жаңбырдың салдарынан жолды шайып кетті - © Ханзат Кеңес
© Ханзат Кеңес

Алматы облысында толассыз жауған жаңбырдың салдарынан Сарыөзек ауылы мен Жаркент қаласының арасын жалғайтын жолдың құбыр өтетін бөлігін шайып кетті, - деп хабарлайды Tengrinews.kz тілшісі. Автокөлік иелері лай жолмен айналып өтуге мәжбүр.

Өңірдің Төтенше жағдайлар департаментінің баспасөз қызметінің басшысы Азамат Жұртбаевтың айтуынша, қазір қайта қалпына келтіру жұмыстары жүргізіліп жатыр. "Жауынның көп мөлшерде түсуінен көпір шайылып кеткен болуы мүмкін. Қазір оқиға орнында 15 адам жұмыс істеп жатыр, төрт арнайы техника жұмылдырылған", - деді Жұртбаев.

Куәгерлердің айтуынша, автокөлік иелері осы батпақты жолмен айналып өтпек болып, тығылып жатқан көрінеді.

Еске салайық, 18 мамырда Алматы облысы Қараой ауылында тіректі су шайып, көпір құлаған. Ол көпір ауыл мен әскери бөлімді қатынайтын жалғыз жол болған. 21 маусымда осы өңірде дамба жарылған. Сол себепті Көктал-Арасан ауылында шаруашылық құрыыстардың бұзылу қауіпі болған. 12 үйдің тұрғындары қауіпсіз жерге көшірілген.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай