1. Басты
  2. Біл
  3. Оқиға
  4. Тосын жай

Алматы полицейлері автобус жүргізушісі мен жолаушының төбелесі түсірілген видеоны тексеріп жатыр

Алматы қалалық ІІД №32 автобустың жүргізушісі мен жолаушы арасында болған төбелеске қатысты тексеріс жүргізіп жатыр, - деп хабарлайды Tengrinews.kz тілшісі Алматы қалалық ІІД ресми өкілі Салтанат Әзірбекке сілтеме жасап. 

Айта кетейік, төбелестің видеосы жақында әлеуметтіфк желілерде таралған болатын. Аноним автордың айтуынша, төбелестің шығуына жолаушының ұялы телефонын жоғалтып алуы себеп болған. Яғни, ол автобус жүргізушісінен телефонды іздестіруге көмек сұрағанда ол дөрекілік көрсете бастаған.

"Тексеретін боламыз. Куәгерлер жақсы іс тыңдырды, азаматтық ұстанымын көрсетіп жатыр. Онымен қоса оқиғаның қайда, қашан болғанын айтқанда тіптен жақсы болар еді. Автобусқа қатысты қандай да бір мәлімет білсеңіздер, жақсы болар еді", - деді Салтанат Әзірбек.