26 маусым 2017 | 10:46

Алматыда 12 қабатты үйдегі өрт сөндірілді

Мөлдір Қалықова

Алматыдағы "Самал" ықшамауданында орналасқан 12 қабатты тұрғын үйдегі өрт сөндірілді, - деп хабарлайды Tengrinews.kz тілшісі қалалық ТЖД өкілдеріне сілтеме жасап.

Алматыдағы "Самал" ықшамауданында орналасқан 12 қабатты тұрғын үйдегі өрт сөндірілді, - деп хабарлайды Tengrinews.kz тілшісі қалалық ТЖД өкілдеріне сілтеме жасап.

Жалғасы

■

Алматыдағы 12 қабатты үйдегі өрт: Бүлінген пәтердің видеосы пайда болды

26 маусым 2017, 15:30

"2017 жылдың 26 маусымында сағат 08.57-де Алматы қалалық Төтенше жағдайлар департаментінің 101 пультіне Медеу ауданы, Самал-1 ықшамауданы, №23 үйдің 6-қабатында балконның өртеніп жатқаны жайлы хабарлама келіп түсті. Өрт сөндірушілер оқиға орнына сағат 09.05-те барды. Олар барғанда 6-қабаттағы балконнан шыққан өрт 7-қабаттың балконына жетіп жатты", - деді Алматы қалалық ТЖД ресми өкілі Сандуғаш Баймұхамбетова.

© Денис Середин

Cондай-ақ, өртті сөндірумен қатар бір уақытта адамдарды құтқару керек болғаны айтылады. Тұрғын үйден 60 адам эвакуацияланды, олардың 12-сі - балалар. Төтенше жағдайдан екі пәтер бүлінді.

"Өрт жарты сағатта 09.37-де сөндірілді. 16 шаршы метр аумақты қамтыды. Қаза тапқандар мен зардап шеккендер жоқ", - деді қалалық ТЖД өкілдері. Төтенше жағдайдың мән-жайы анықталып жатыр.

Еске сала кетейік, осыған дейін "Самал" ықшамауданында орналасқан көпқабатты үйден өрт шыққаны жайлы хабарланған болатын. "Медеу ауданы, "Самал-1" ықшамауданы, Жолдасбеков көшесі, №23 үй. Алдын ала мәлімет бойынша, өрт 12 қабатты үйдің 6-шы қабатында болған. Өрт сөндірушілер оқиға орнында. Адамдар эвакуацияланып жатыр", - деген еді Алматы қалалық ТЖД өкілдері.

Куәгерлердің айтуынша, өрт жоғарғы қабаттарға дейін жеткен.

Куәгерлер жолдаған видео.