1. Басты
  2. Біл
  3. Оқиға
  4. Тосын жай

Алматыда әл-Фараби даңғылымен жаяу жүріп өткен жас жұбайларға айыппұл салынды

  • 1

Алматыда әл-Фараби даңғылымен салтанатты түрде жаяу жүріп өткен жас жұбайларға жол қозғалысына кедергі жасағаны үшін айыппұл салынды, - деп хабарлайды Tengrinews.kz тілшісі. Бұл туралы әкімшілік полиция басқармасының басшысы Нұрлан Алмасбеков хабарлады.

"Ережені бұзған ер адам екінші рет 30 мың теңге көлемінде айыппұл төлейін деп отыр. Жас жұбайлардың соңынан жүрген барлық бес жүргізушіге де жол қозғалысына кедергі жасағаны үшін айыппұл салынды", - деді Нұрлан Алмасбеков. 

Еске салайық, 31 тамызда жас жұбайлар әл-Фараби даңғылымен жаяу жүріп өткен болатын. Қымбат көліктердің алдында күйеу жігіт пен қалыңдықтың жаяу жүрген видеосы Instagram желісінде пайда болды. "Алматыда не себепті кептеліс болып жатыр", - деп жазылған роликтің сипаттамасында.