+7 (777) 001 44 99
ПОДЕЛИТЬСЯ
Алматы полицейлері өзінің бір жасар баласын көшеге тастап кеткен әйелді іздеп тапты, - деп хабарлайды Tengrinews.kz тілшісі.
Алматы полицейлері өзінің бір жасар баласын көшеге тастап кеткен әйелді іздеп тапты, - деп хабарлайды Tengrinews.kz тілшісі.
Қалалық ІІД мәліметінше, Алматы облысының тұрғыны фермерлік шаруашылықтағы жұмысына асығып бара жатқандықтан баланы көшеде қалдырып кеткен. Сондай-ақ, әйелдің мас күйде болғаны айтылады.
"Әйел спирттік ішімдіктерге әуес, дұрыс емес өмір салтын жүргізеді. Бала әлі бір жасқа да толмаған. 11 айлық", - деп хабарлады Алматы қалалық ІІД ресми өкілі Салтанат Әзірбек.
ҚР Қылмыстық кодексінің 119-бабы бойынша ("Қауiптi жағдайда қалдыру") сотқа дейінгі тергеу басталды. Қазіргі уақытта әйелге қатысты бұлтартпау шарасын таңдау мәселесі шешіліп жатыр. Сонымен қатар, оны ата-ана құқығынан айыру мәселесі қарастырылады.
Қалалық Денсаулық сақтау басқармасының мәліметінше, ұл бала қазіргі уақытта № 2 қалалық балалар клиникалық ауруханасында жатыр. Бала ауруханаға түскен кезде ешқандай дене жарақаттары анықталмады.
"Баланың жағдайы тұрақты деп бағаланып отыр. I деңгейлі анемия, экссудативті-катаралды диатез деген диагноз қойылды. Баланы емдеуге барлық қажетті дәрігерлер жұмылды", - деп хабарлады қалалық денсаулық сақтау басқармасының баспасөз қызметіндегілер.
