Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Алматыда дауылдан ағаштар құлады және бірнеше автомобильге зақым келді

09 Маусым 2015, 12:51
0
©Владимир Прокопенко
©Владимир Прокопенко
©Владимир Прокопенко
©Владимир Прокопенко

Алматыда тұрған дауыл ағаштарды құлатып, бірнеше автомобильді бүлдірді, - деп хабарлайды Tengrinews.kz тілшісі қалалық төтенше жағдайлар департаментінің баспасөз қызметіне сілтеме жасап.

8 маусымда Алматыда жылдамдығы секундына 18 метрге жететін күшті жел тұрды. Қалалық ТЖД мәліметінше, "112" желісіне қала тұрғындарынан төтенше жағдай туралы 23 хабарлама келіп түсті.  

"ТЖ жөніндегі департамент алты ағаштың құлағанын, оның салдарынан үш автомобильге зақым келгенін, электр тоғының тоғыз жерден үзілгенін, бес қабатты тұрғын үйлердің шатырының 110 шаршы метрінің ішінара жұлынғанын тіркеді. "103" пультіне жедел жәрдем көмегі үшін бір әйел хабарласты", - деп хабарлады Алматы қалалық ТЖД өкілдері.

Департамент өкілдерінің айтуынша, қаладағы төтенше жағдайлар қызметінің өкілдері жаңбыр жауатынына байланысты ескерту туралы хабар таратқан. Толассыз жаңбырдан Алматы облысының тау өзендерінде жаңбыр суынан сел жүруі мүмкін екендігі хабарланған болатын. "Осыған байланысты қала тұрғындарынан, қонақтары мен туристерінен таулы аймаққа бармауға және қажетті барлық қауіпсіздік шараларды сақтауды сұраймыз", - делінген ТЖД хабарламасында.

Еске сала кетейік, Алматыда толассыз жауынның салдарынан бірнеше көшені су басты. Таңертеңнен бері әл-Фараби, Райымбек және Рысқұлов даңғылдарында, Төле би көшесінде қозғалыс қиындады. Қалада кептеліс болып жатыр.

"Әл-Фараби даңғылының Фурманов көшесімен қиылысында екі бағытта да жол жүру мүмкін емес. Су белшеден. Жеңіл автомобильдер суға батып қалды. Жол-қозғалысы тоқтап қалды. Жүру бағыттарыңызды түзеп алыңыздар", - деп жазды әлеуметтік желі қолданушыларының бірі. 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай