1. Басты
  2. Біл
  3. Оқиға
  4. Тосын жай

Алматыда жанармай құю станциясына соғылған Porsche жүргізушісі ұсталды

Видеодан алынған кадр Видеодан алынған кадр

Алматыда көлігімен жанармай құю станциясына соғылған Porsche жүргізушісі ұсталды, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.

"Porsche жүргізушісі анықталып, ұсталды. Ол екі бап бойынша - жол апатын жасағаны үшін және жол апаты болған жерден кетіп қалғаны үшін іске тартылады. Материал таяуда сотқа жолданады", - деп хабарлады Алматы қалалық ІІД ресми өкілі Салтанат Әзірбек.

Еске салайық, бұл оқиға биыл наурыз айында Төле би мен Саин көшелерінің қиылысында болған еді. Кейінірек Porsche автокөлігінің жанармай құю станциясына қарай ұшып кеткен сәті түсірілген видео жарияланған болатын. Айта кетейік, бұл оқиғадан ешкім зардап шеккен жоқ.