1. Басты
  2. Біл
  3. Оқиға
  4. Тосын жай

Алматыда жылу электр орталығы-2 маңында өрт шықты10 қыркүйек 2016, 15:24

Алматыда Жылу-Электр Орталығы-2 маңында өрт шықты. Қаланың шет аймағында өндірістік цех өртенді, - деп хабарлайды Tengrinews.kz тілшісі қалалық ТЖД баспасөз қызметінің өкіліне сілтеме жасап.

Өрт 10 қыркүйекте шамамен сағат екілерде басталған. "13.50-де 101 пультіне цехтың өртеніп жатқаны туралы куәгер хабарлаған. Ол Алатау ауданы, Алғабас ықшамауданында орналасқан Жылу-Электр Орталығы-2 маңында орналасқан. Өрт сөндіру қызметтері оқиға орнында. Қазіргі кезде ТЖД қызметкерлері өртті сөндіріп жатыр", - деді Алматы қалалық Төтенше жағдайлар департаментінің ресми өкілі Сандуғаш Баймұхамбетова.

Төтенше жағдайлар комитетінің ресми өкілі Руслан Иманқұловтың айтуынша, өрт 14.21-де толығымен сөндірілген. "Өрттің аумағы 450 шаршы метрді құраған. Пенопласт шығаратын цех өртенген. Жеке құрамның 25 адамы мен бес арнайы техника жұмылдырылған", - деді ол.